«Игі істер автобусы» акциясы басталды

Ел Тәуелсіздігінің 30 жылдығын мерекелеу және «Игі істер марафоны» жобасын іске асыру аясында өңірде колледж қызметкерлері мен студенттерінің қатысуымен «Игі істер автобусы» акциясы басталды. Білім басқармасынан атап өткендей, жобаның негізгі мақсаты ауыл тұрғындарын қолдау, әлеуметтік жобалау идеяларын, волонтерлік құндылықтары мен тәжірибесін насихаттау, студент жастарды қоғам мәселелерін шешуге тарту. «Волонтерлік бастамаларды іске асыру аясында әрбір мемлекеттік колледжде жазғы кезеңде 3-4 курс студенттері және қызметкерлерінің қатысуымен «Игі істер автобусы» акциясы өтеді. Олар халыққа шаштараз сервисі, тігін бұйымдарын жөндеу, ағаш ұстасы, дәнекерлеу қызметі, цифрлық технологиялар саласындағы қызметтер көрсетеді. Студенттер арасынан волонтерлер елді мекендердің оқушыларымен бос уақытты ұйымдастырады, спорттық, мәдени-бұқаралық іс-шаралар, үйірме сабақтарын өткізеді. Акция барысында 5 мың адамды қамту жоспарланған», – деді ведомстводан. Әрбір «Игі істер автобусының» аумақтық әкімдіктермен келісілген өзінің жүру бағыты болады, ауылдық округтердің тұрғындары ерікті студенттер ұсынатын қызметтер спектрі туралы алдын ала хабардар етілетін болады. Осы автобусқа қосымша 6 біліктілік бойынша халықты қысқа мерзімді оқыту курстарының қызметтерін ұсыну үшін екі мобильді оқу орталығы қосылмақ. «Игі істер автобусының» алғашқы бағыты Атбасар қаласының аграрлық-индустрия-
лық колледжінің студенттері мен оқытушыларының қатысуымен Атбасар ауданының Тельман ауылдық округіне бағытталды.

Опубликовать в Facebook
Опубликовать в Google Plus
Опубликовать в Мой Мир
Опубликовать в Одноклассники
Опубликовать в Яндекс

Добавить комментарий