Нақты тапсырмалар жүктелді

Қазақстан Республикасы Премьер-Министрінің орынбасары Роман Скляр Ақмола облысының Қазақстан мен Ресейдің 17-ші өңіраралық ынтымақтастық форумын өткізуге дайындығы және жаңа нысандардың құрылысы, жергілікті маңызы бар жол желілерін салу барысымен танысты.

Облыс басшылығы Көкшетау қаласы әуежайының қонақүйін қайта жаңарту, «Болашақ Сарайы» атты қазіргі заманғы балалар мен жасөспірімдер сарайының, 9 қабатты көппәтерлі 2 тұрғын үйдің құрылысы жөнінде баяндады. Айналмалы жолмен жаңа жағалауды салу бойынша құрылыс жұмыстары толық жүріп жатыр. Мұнда Қопа көлінің бойындағы автомобиль жолының көпірі және қарау алаңы, балалар және спорт алаңдары, жүгіру жолдары және шағын сәулет нысандары бар жағажай аймақтары салынады.
Үкімет делегациясы барлық нысандар құрылысының барысымен, «Достық» және «Көкшетау» қонақүйлерінің нөмірлік қорымен танысты. Сондай-ақ, «Kazrost Engineering Ltd» ЖШС арқылы «Вектор» комбайндарын өндіретін зауытына, «Agrimer-Astyk» ЖШС астық өңдеу кешеніне, «Азиякотломаш» серіктестігіне бу және су жылыту қазандықтарын шығаратын зауытқа, «Kaz Beef Processing» ЖШС ет өңдеу кәсіпорнына барды. Жыл сайын 300 комбайн шығаратын «Kazrost Engineering Ltd» ЖШС бұл көрсеткішті 425 бірлікке көбейтуді жоспарлап отыр. Былтыр «Agrimer-Astyk» ЖШС OCRIM компаниясынан 1,2 млрд теңгенің итальяндық құрал-жабдығын орнатты. Осылайша биыл кәсіпорын биыл 3 мың тонна ұн өндіретін болады.
Роман Скляр қойылған міндеттерді жүзеге асырудың маңыздылығын атап өтіп, белгіленген жоспарларды орындау бойынша бірқатар нақты тапсырмалар берді. Қазақстан мен Ресей аймақаралық ынтымақтастығының XVII форумын өткізу екі елдің сауда-экономикалық қарым-қатынастарын дамытуға елеулі серпін береді және бизнес-қоғамдастықтардың өзара іс-қимыл аясын кеңейтуге мүмкіндік береді.

Облыс әкімінің баспасөз қызметі.

Опубликовать в Facebook
Опубликовать в Google Plus
Опубликовать в Мой Мир
Опубликовать в Одноклассники
Опубликовать в Яндекс

Добавить комментарий