Қазақстан кәсіподақтары қатары 116 мыңнан астам жаспен толықты

Орталық коммуникациялар қызметінде Елбасы Нұрсұлтан Назарбаевтың Қазақстан халқына Жолдауына арналған брифинг өтті. Онда Кәсіподақтар федерациясының төрағасы Әбілғазы Құсайынов «Үшінші жаңғыру» Жолдауы аясында кәсіподақтар үшін басымдықтардың бірі болып саналатын жаңа жұмыс орындарын құру мәселе туралы айтты. Жиында ол Мемлекет басшысының Қазақстан халқына Жолдауында атап өткен  Онлайн-технологиялар мен «Цифрлы Қазақстан» бағдарламасының жастарға  өздерінің білімдері мен біліктіліктерін толыққанды пайдалануына мүмкіндік беретінін, өйткені қазіргі кезде елімізде жұмыс орындарын сақтап қалу өте өзекті мәселеге айналып отырғанын жеткізді. -Бүгінде барлық елдерде қаржы-экономикалық дағдарыс болып жатыр. Ол бірнеше жылдан бері жалғасып келеді. Ол біздің елімізді де айналып өткен жоқ. Экономикалық дағдарыс қазіргі күннің ең басты проблемасына айналып отыр. Осыған байланысты еліміз жұмыс орындарын сақтау мәселесімен айналысуда. Мысалы, Еуропаның Италия, Грекия сияқты мемлекеттерінде жастар арасында жұмыссыздық 23 пайызға жетті. Ал біздің елімізде Елбасының реформаларының арқасында жұмыссыздық деңгейі 5 пайызды ғана көрсетіп тұр. Президенттің биылғы Жолдауы осы мәселені түбегейлі шешуге арналған, — деді ол. Сонымен бірге ол  елімізде шағын және орта бизнестің арқасында көптеген азаматтар жұмыс орындарын ашуға мүмкіндік алғанын, соның нәтижесінде миллиондаған отандастарымыз «екі қолға бір күрек» алып, өзінің кәсібімен айналысып жатқанын атап өтті. «Қазіргі таңда елімізде 3,3 млн адам жалдамалы жұмыспен айналысуда. Өнеркәсіп, өндіріс, көлік-логистика саласында жұмыс орындарын сақтау ісі жалғасып жатыр. Бұдан басқа 20 000-нан астам жаңа жұмыс орындары пайда болды. Ал «Нұрлы жол» бағдарламасын аясында 4,400 шақырым жол салынуда. Егер 100 км-ге 1000 адам жұмыс істесе көптеген азаматтардың еңбектеніп жатқанын көруге болады. Елімізде кәсіпкерлікті дамытуда қолда бар мүмкіндіктің бәрі жасалып отыр. Мысалы, Жолдауға сәйкес енді адамдар өз нәсібін кәсібінен тапқысы келсе 16 млн теңге көлемінде несие алады. Осының бәрі отбасылық бизнеспен айналысуға мүмкіндік ашып тұр», — деді Ә.Құсайынов. Сол сияқты ол брифингте Кәсіподақтар федерациясының қызметіне тоқталып, қазірде кәсіподақ мүшелерінің үштен бірін жастар екенін, барлық аймақтарда «Келешек» жастар кеңестері белсенді жұмыс атқарып, олар жаңа жұмыс орындарын құруға да өз үлестерін қосып келе жатқанын атап өтті.  «Мәселен, Қостанай облысында «Келешек» кәсіподақ жұмыскерлерінің балалары үшін жаңа балабақша құрды»,  – деп мәлімдеді федерация төрағасы. Оның айтуынша, тек соңғы екі жыл ішінде кәсіподақтар мүшелерінің саны 116 мыңнан астам адамға көбейген. Сондықтан да жастарды жұмыспен қамту кәсіподақтардың маңызды міндеттерінің бірі болып табылады.    Атап өтер жәйт, Мемлекет басшысының бастамасымен ұйымдастырылған  конституциялық реформалар аясында ҚР Кәсіподақтар федерациясы кәсіподақтар қатарында да реформа жүргізуді жоспарлауда. Ең бастысы мұнда басымдық кадрларды жаңартуға беріледі.  

Қазақстан кәсіподағы жас кадрлармен толықты

Жастар үшін жаңа жұмыс орындарын құру — мемлекет Басшысының «Үшінші жаңғыру» Жолдауындаберілген бірден-бір басымдықтардың бірі болып саналады. Бұл туралы Орталық коммуникациялар қызметінде өткен брифинг барысында ҚР Кәсіподақтар федерациясының төрағасы Әбілғазы Құсайынов мәлім етті. «Онлайн-технологиялар мен «Цифрлы Қазақстан» бағдарламасының жастарға  өздерінің білімдері мен біліктіліктерін толыққанды пайдалануына мүмкіндік беріп отыр, өйткені қазіргі кезде елімізде жұмыс орындарын сақтап қалу өте өзекті мәселеге айналуда»,-деді ҚР Кәсіподақтар федерациясының төрағасы Әбілғазы Құсайынов. «Жастарды жұмыс орындарымен қамтамасыз ету  -кәсіподақтың негізгі міндеті саналады. Онлайн-технологиялар мен «Цифрлы Қазақстан» бағдарламасықазақстандық жастардың өз білімдері мен біліктіліктерін пайдалануға мүмкіндік ашады»,-деді Әбілғазы Құсайынов. «Кәсіподақта үштен бірін жастар құрайды. Барлық аймақтарда «Келешек» жастар кеңесі құрылған. Олар жаңа жұмыс орындарын ашып, белсенді қызмет атқаруда.  Мысал келтіре кетсек, Қостанай облысында «Келешек» жастар кеңесікәсіподақ ұйымыжұмысшыларының балаларына арналған жаңа балабақша орнын құрды. Сондай-ақ,  спикертек соңғы екі жыл ішінде кәсіподақтар мүшелерінің саны 116 мыңнан астам адамға көбейгенін атап өтті.  «Жолдауды жүзеге асыру арқасында  құрылыс мекемелер үшін жұмыс көлемін қамтамасыз етеді. Жаңа жұмыс орындары ашылуына, жұмыс орындарыныңсақталуына және еңбек ұжымының әлеуметтік тұрақтылығы мәселелерін шешуге қол жеткізеді. Экономика нарығы жағдайында әлеуметтік тұрақтылық мемлекеттік саясаттың бірден-бір басымдылығы болып табылады. Жаңа тұрғын үй нысандарын салуда білікті жұмысшылар өз біліктіліктері мен еңбек тәжірибелерін дұрыс бағытта пайдалана алады,-деп атап өтті КҚШ қызметкерлерінің Салалық кәсіподағы төрағасы Тілеулес Мадияров. Оның айтуынша, берілген мәліметтерге сәйкес, тек Астана қаласында 30 мыңнан аса ұйымдары, оның ішінде -1798 құрылыс ұйымдары қызмет атқаруда. КҚШ қызметкерлерінің Салалық кәсіподағының астаналық филиалы бір жыл бұрын ашылған болатын. Сол уақытта 7 құрылыс ұйымында кәсіподақ ұйымы болды, ал қазіргі таңда 27 ұйымды құрап отыр. «Осындай нәтижелерге кәсіподақтың тиімді атқарған жұмысының нәтижесінде қол жеткіздік», — деді спикер.

 

Опубликовать в Facebook
Опубликовать в Google Plus
Опубликовать в Мой Мир
Опубликовать в Одноклассники
Опубликовать в Яндекс